હેલ્પીંગ હેન્ડ્સ ક્રિશ્ચિયન ચેરીટેબલ ટ્રસ્ટની સેવાઓ ઇશ્વર પિતાએ ખૂબ જ આશીર્વાદિત કરી છે. ટ્રસ્ટી મંડળ અને તેના 115 જેટલા તેના નિસ્વાર્થ સેવકો તન, મન, ધનથી સેવા કાર્ય કરી રહ્યા છે માટે ઇશ્વર પિતાનો પુષ્કળ આભાર માનીએ છીએ. ગુજરાતના દાતાઓ અને પરદેશના દાતાઓએ આ સેવા ઉપર વિશ્વાસ મુકીને સમાજના નબળા લોકોના ઉત્કર્ષ માટે જે નાણાં આપ્યા છે, આ માટે પણ ઇશ્વર પિતાની સ્તુતી કરીએ છીએ.

આપણા મોટા દાતા શ્રી રૂઝવેલ્ટ પ્રવાસી એ સંસ્થાના સેવા કાર્ય માટે મણીનગર ખ્રિસ્તી વિસ્તારમાં એક મોટું મકાન ખરીદીને આપ્યું છે. આથી વિશેષ ઘણા નાણા ખર્ચીને મકાનનું રીનોવેશન કરી આપ્યું છે. ખ્રિસ્તી વિસ્તારમાં આવું અદ્દભુત “ સેવાઘર ” મળ્યું છે. ત્યારે પરમેશ્વર પિતાના નામને ધન્યવાદ આપીએ છીએ.

તા.14-3-2015 ના રોજ આ “ સેવાઘર ” માં ટ્રસ્ટીઓ, દસ બ્રાન્ચના હોદ્દેદારો, સહાયકો, શુભેચ્છકો હાજર રહ્યાં હતા. ગીતો, સ્તોત્રો, વચનો અને પ્રાર્થના દ્વારા ઇશ્વર પિતાની આભાર સ્તુતિ કરવામાં આવી હતી. ત્યાર બાદ મણીનગર સાલ્વેશન આર્મી ચર્ચમાં કેપ. મહેશ સાહેબ અને પ્રભુના સેવક સેમ્યુલભાઇ ક્રિશ્ચિયન (અલાયન્ય મિશનેરી મુમેન્ટના કન્વીનર) અને સાથીઓએ સંગતમાં ભાગ લીધો હતો. વચનની અદ્દભુત સેવા સેમ્યુલભાઇ ક્રિશ્ચિયનને આપી હતી. આ મીટીંગમાં કાર્યકરોમાં નવુ જોમ અને જુસ્સો પેદા થયો હતો. ટ્રસ્ટના પ્રમુખશ્રીએ સલાહ, સુચનો આપ્યા હતા. ઇશ્વર પિતાના મોટા આશિર્વાદો માટે સહુ સાથીઓએ પ્રભુનો પુષ્કળ આભાર માન્યો હતો. આ મીટીંગ ખુબ જ આશીર્વાદિત થઇ હતી.

સેક્રેટરી
હેલ્પીંગ હેન્ડ્સ